Дунёдаги энг бой 50 киши ярим триллион доллардан кўпроқ маблағ йўқотдиДунёнинг энг бой 50 кишиси бу йил ярим триллион доллардан кўпроқ маблағ йўқотди. Бу ҳақда The Wall Streyet Journal хабар бермоқда.Фото: The Wall Street JournalУшбу рақамлар Швеция ялпи ички маҳсулотидан ошиб кетади ва S&P 500 рейтингида олтита компаниядан ташқари барчасининг бозор сармоясидан каттароқдир.Bloomberg миллиардерлар индекси, энг бадавлат одамларнинг ҳар куни янгиланадиган рейтингига кўра, Илон Маск, Жефф Безос, Билл Гейтс ва Уоррен Баффетни ўз ичига олган 50 та энг бой одамларнинг умумий бойлиги 22 майгача 563 млрд долларни йўқотди. Бу пасайиш фонд бозори пандемия бошланганидан бери биринчи марта юз берди.Дунёнинг энг бой одами ва Tesla компаниясининг ижрочи директори Маск ҳозирда 201 млрд доллар бойликка эга. У жорий йилнинг шу даврига қадар 69,1 млрд доллар йўқотди. Amazon асосчиси Жефф Безоснинг бойлиги 61,1 млрд долларга камайди ва Франциянинг энг бадавлат одами Louis Vuitton бош ижрочи директори Бернард Арнонинг бойлиги 55,2 млрд долларга қисқарди. Жеф Безоснинг бойлиги ҳали ҳам 131 млрд доллар, Арнонинг бойлиги эса 123 млрд доллар.Microsoft асосчиларидан бири Билл Гейтс ҳозирда 116 млрд доллар бойликка эга, аммо у бу йил 21,7 млрд долларни йўқотди. Berkshire Hathaway компаниясининг эгаси Уоррен Баффет 110 млрд доллар бойлиги билан кучли бешликни якунлайди. Ундан бойроқ тўрт кишидан фарқли ўлароқ, унинг бойлиги бу йил 1,2 млрд долларга ошган. Bloomberg Billionaires Index шахсий бойликни бозорлар, иқтисод ва бошқа ҳисоботлардаги ўзгаришлар асосида ўлчайди.Миллиардерларнинг йўқотишлари фонд бозорида бир ой давом этган сотувлар тезлашиб, технология акциялари ташқарига тарқала бошлаганида содир бўлди. Аввалроқ халқаро хайрия ташкилоти Oxfam маълумотларига кўра, пандемия даврида дунёда ҳар 30 соатда янги миллиардер пайдо бўлгани ҳақида хабар берилган эди
Izoh yozib qoldiring