Туркия президенти Ражаб Тоййиб Эрдўғон Анқаранинг БМТ Хавфсизлик Кенгаши ва МАГАТЕ орқали Исроилнинг атом бомбасига эга бўлиши масаласи бўйича қарор қабул қилиш режасини маълум қилди, деб ёзади Ҳурриет. У Исроилнинг ядро қуролига эга эканлигини амалда расман тан олганидан кейин ушбу халқаро ташкилотларнинг ҳаракатсизлигидан норозилигини билдирди. Эрдўғон Туркия ишни якунлаш ва бутун минтақа хавфсизлигига таҳдид солаётган Исроил ядровий муаммосига ечим топишга қатъий қарор қилганини таъкидлади. Эслатиб ўтамиз, аввалроқ Туркия Халқаро жиноят судига даъво аризаси билан Исроил бош вазири Бинямин Нетаняхудан Ғазодаги инсониятга қарши жиноятлар учун жавобгарликка тортилишини талаб қилгани маълум бўлган эди.
Izoh yozib qoldiring