Оқ уй Хитой ҳукумати Куба билан орольда АҚШ ҳарбий базалари ва коммуникацияларини нишонга оладиган жосуслик базасини ташкил этиш бўйича келишувга эришгани ҳақидаги хабарларни рад этди.

МSBNC телеканалига берган интервьюсида Оқ уй Миллий хавфсизлик кенгашининг стратегик алоқалар бўйича координатори Жон Кирби «Мен бу хабарни матбуотда кўрганман. Бу ҳақиқат эмас«, деди.

«Айтишим мумкинки, ушбу маъмуриятнинг биринчи кунидан бошлаб биз Хитойнинг бутун дунё бўйлаб ва, албатта, бу ярим шарда ва минтақадаги таъсиридан хавотирдамиз. Биз буни жуда ва жуда яқиндан кузатиб борамиз «, деди у.